Ratan Tata Net Worth: રતન ટાટા પાસે કેટલી સંપત્તિ હતી? ભારતની પ્રથમ સ્વદેશી કાર બનાવી, લાખેણી કાર લોન્ચ કરી

લાપતા લેડીઝ એ રણબીર કપૂરની એનિમલને પાછળ છોડી, ઓસ્કાર 2025 માટે ભારતની સત્તાવાર એન્ટ્રીમાં સામેલ

laapataa ladies : લાપતા લેડીઝ એ રણબીર કપૂરની એનિમલને પાછળ છોડી, ઓસ્કાર 2025 માટે ભારતની સત્તાવાર એન્ટ્રી

laapataa ladies : ચેન્નાઈમાં આયોજિત એક વિશેષ કાર્યક્રમમાં આસામી દિગ્દર્શક જાહનુ બરુઆની આગેવાની હેઠળની ફિલ્મ ફેડરેશન ઑફ ઈન્ડિયાની 13-સભ્ય સમિતિએ 97માં એકેડેમી પુરસ્કારો માટે સત્તાવાર પ્રવેશ તરીકે લાપતા લેડીઝ ફિલ્મને પસંદ કરવાનો નિર્ણય કર્યો હતો.

laapataa ladies : દરેક બોલિવૂડ લવર્સ આજે ચોક્કસપણે ખુશ છે કારણ કે કિરણ રાવ (Kiran Rao) ની દિગ્દર્શિત લાપતા લેડીઝ (laapataa ladies) સત્તાવાર રીતે પ્રખ્યાત ઓસ્કર 2025 યાદી (Oscar 2025 list) માં પ્રવેશી છે. આમિર ખાન દ્વારા સમર્થિત ફિલ્મ પ્રતિભા રાંતા, સ્પર્શ શ્રીવાસ્તવ અને નિતાંશી ગોયલ અભિનીત ફિલ્મને 29 ફિલ્મોની યાદીમાંથી પસંદ કરવામાં આવી છે. જેમાં રણબીર કપૂરનું એનિમલ પણ સામેલ છે.

ચેન્નાઈમાં આયોજિત એક વિશેષ કાર્યક્રમમાં આસામી દિગ્દર્શક જાહનુ બરુઆની આગેવાની હેઠળની ફિલ્મ ફેડરેશન ઑફ ઈન્ડિયાની 13-સભ્ય સમિતિએ 97માં એકેડેમી પુરસ્કારો માટે સત્તાવાર પ્રવેશ તરીકે આમિર સમર્થિત ફિલ્મને પસંદ કરવાનો નિર્ણય કર્યો હતો. આ ફિલ્મ 97માં એકેડેમી એવોર્ડ્સમાં બેસ્ટ ફોરેન ફિલ્મ કેટેગરીમાં સ્પર્ધા કરશે.

ઉલ્લેખનીય છે કે ફેમસ લિસ્ટમાં રણબીર કપૂર સ્ટારર એનિમલ, મલયાલમ નેશનલ એવોર્ડ વિજેતા આતમ, કાન્સ ફિલ્મ ફેસ્ટિવલ વિજેતા ઓલ વી ઇમેજિન એઝ લાઇટ, તમિલ ફિલ્મ મહારાજા, તેલુગુ ટાઇટલ કલ્કી 2898 એડી અને હનુ-મેન જેવી ફિલ્મોના નામ સામેલ છે. આ ઉપરાંત રણદીપ હુડ્ડાની સ્વતંત્રતા વીર સાવરકર અને યામી ગૌતમની કલમ 370 પણ સામેલ છે.

આ દરમિયાન અઠવાડિયે પીટીઆઈ સાથે વાત કરતા કિરણ રાવે કહ્યું હતું કે, ‘મારું સપનું જો ફિલ્મ (ઓસ્કરમાં) જશે તો પૂરું થશે. પરંતુ તે એક પ્રક્રિયા છે, અને હું આશા રાખું છું કે તે (લાપતા લેડીઝ) ધ્યાનમાં લેવામાં આવશે. મને ખાતરી છે કે સર્વશ્રેષ્ઠ ફિલ્મ જશે.

લાપતા લેડીઝ એ 2010 માં રિલીઝ થયેલી ધોબીઘાટ પછી કિરણ રાવની બીજી દિગ્દર્શિત ફિલ્મ છે. આ ફિલ્મે ઇન્ડસ્ટ્રીમાં નવી પ્રતિભાનો પરિચય કરાવ્યો હતો, જેમાં રવિ કિશન, છાયા કદમ, સતેન્દ્ર સોની, દુર્ગેશ કુમાર, ગીતા અગ્રવાલ અને વધુ સાથે પ્રતિભા રાંતા, સ્પર્શ શ્રીવાસ્તવ અને નિતાંશી ગોયલ મુખ્ય ભૂમિકામાં હતા.

ફિલ્મની સ્ટોરી 2000 ના દાયકાની શરૂઆતમાં ગ્રામીણ ભારતના સેટ પર છે. તેનું વર્ણન બે દુલ્હન વિશેનું છે જેઓ ટ્રેનની મુસાફરી દરમિયાન અદલાબદલી થાય છે. ત્યારબાદ વળાંકોથી ભરેલી મુસાફરી શરૂ થાય છે કારણ કે તેમના બન્ને પતિ તેની પત્નીની શોધ શરૂ કરે છે.

આમિર ખાન પ્રોડક્શન્સ અને કિન્ડલિંગ પ્રોડક્શન્સના બેનર હેઠળ બનેલી આ ફિલ્મ 2023માં પ્રતિષ્ઠિત ટોરોન્ટો ઇન્ટરનેશનલ ફિલ્મ ફેસ્ટિવલ (TIFF)માં પણ પ્રદર્શિત કરવામાં આવી હતી. તેને ફેસ્ટિવલમાં હાજર પ્રેક્ષકો તરફથી સ્ટેન્ડિંગ ઓવેશન મળ્યું હતું. તે પછીથી થિયેટરોમાં અને પછી OTT પ્લેટફોર્મ, Netflix પર રજૂ કરવામાં આવ્યું હતું. ડિજિટલ રિલીઝ પછી ફિલ્મની પ્રશંસા અને લોકપ્રિયતા કૂદકે ને ભૂસકે વધી છે.