health Tips: હૃદય માટે આ 3 તેલ ઝેર સમાન, જાણો શરીર સ્વસ્થ રાખવા ક્યું તેલ શ્રેષ્ઠ છે
Worst Cooking Oil For Heart Health: હૃદય અને શરીરને સ્વસ્થ્ય રાખવા કયું ખાદ્ય તેલ હેલ્ધી છે અને કયું નથી તે જાણવા માટે તમારા તેલમાં કઈ ચરબી છે તે જાણવું મહત્વપૂર્ણ છે.
Worst Cooking Oil For Heart Health: હૃદયના ધબકારા આપણા જીવિત હોવાનો પુરાવો છે, જે દિવસે શરીરનો આ ભાગ તેની ગતિ બંધ કરી દેશે, તે દિવસે આપણું જીવન સમાપ્ત થઈ જશે. શરીરના આ મહત્વપૂર્ણ અંગનું ધ્યાન રાખવું ખૂબ જરૂરી છે. આહાર દ્વારા હૃદયની કાળજી લેવામાં આવે છે. આહારમાં તૈલીય ખોરાકનું સેવન કરવાથી હૃદયની તંદુરસ્તી માટે જોખમ ઊભું થાય છે.
ભોજનમાં તેલનું વધારે સેવન કોલેસ્ટ્રોલ વધારે છે અને હૃદયના સ્વાસ્થ્યને નુકસાન પહોંચાડે છે. હૃદયને સ્વસ્થ રાખવા માટે, આહારમાં તેલનું સેવન ઓછું કરો. કેટલાક તેલ એવા છે જે હૃદયના સ્વાસ્થ્યને નુકસાન પહોંચાડે છે. હવે સવાલ એ ઉભો થાય છે કે કયું તેલ સ્વાસ્થ્ય માટે ખતરો છે અને કયું નથી તે કેવી રીતે જાણવું.
આયુર્વેદિક અને યુનાની દવાઓના નિષ્ણાત ડો.સલીમ ઝૈદીના જણાવ્યા અનુસાર, આરોગ્ય માટે કયું તેલ તંદુરસ્ત છે અને કયું નથી તે જાણવા માટે, તમારા તેલમાં કઈ ચરબી હોય છે તે જાણવું મહત્વપૂર્ણ છે. તમારા ખાદ્ય તેલમાં સેચ્યુરેટેડ ફેટ, પોલીઅનસેચ્યુરેટેડ ફેટ, મોનોઅનસેચ્યુરેટેડ ફેટ એટલે શું? ચરબીની આ વિવિધ જાતો તમારા તેલને સ્વસ્થ અને બિનઆરોગ્યપ્રદ બનાવે છે. તમે ગમે તેટલું તેલ પસંદ કરો, પણ જો તમે તેની માત્રાનું ધ્યાન નહીં રાખો તો તમારા હૃદયની તંદુરસ્તી સારી રહેશે નહીં.
હેલ્થ એક્સપર્ટ્સ ઘણીવાર હાર્ટ પેશન્ટને ઓછું તેલ ખાવાની સલાહ આપે છે. તેલનું વધુ પડતું સેવન કરવાથી કોલેસ્ટ્રોલ તો વધે જ છે સાથે સાથે હૃદય રોગનું જોખમ પણ અનેકગણું વધી જાય છે. કેટલાક તેલમાં રહેલું ફેટ હૃદય અને લીવરની બીમારીનું જોખમ ઉભું કરે છે. ચાલો જાણીએ કે કયા કયા તેલ છે જે હૃદયના સ્વાસ્થ્યને નુકસાન પહોંચાડે છે.
પામ તેલ હૃદય માટે જોખમી
પામ તેલ, જેને પામ ઓઇલ કહેવામાં આવે છે, તેનું સેવન કરવાનું ટાળો. આ તેલ હૃદયની તંદુરસ્તીને નુકસાન પહોંચાડે છે. આ તેલમાં સંતૃપ્ત ચરબી હોય છે જે એલડીએલ કોલેસ્ટ્રોલને વધારે છે. ખરાબ કોલેસ્ટ્રોલ વધવાથી હૃદયની બીમારીઓનો ખતરો વધી જાય છે. શરીરનું વજન વધારવામાં આ તેલ મોટી ભૂમિકા ભજવે છે. આ તેલ ખાવાથી ડાયાબીટીસ, હાર્ટ એટેક અને બ્લડ પ્રેશર જેવા ક્રોનિક રોગોનો ખતરો વધી જાય છે. આ તેલનું સેવન માત્ર હૃદય માટે જ ખતરો નથી, પરંતુ તે સંપૂર્ણ આરોગ્ય માટે પણ ખરાબ છે.
સોયાબીન તેલનું સેવન ટાળો
સોયાબીન તેલનું સેવન કરવાથી હૃદયના સ્વાસ્થ્ય માટે જોખમ ઉભું થાય છે. ઓમેગા-6 ફેટી એસિડથી ભરપૂર આ તેલ સ્થૂળતા, ડાયાબિટીસ, ઓટિઝમ, અલ્ઝાઇમર, ડિપ્રેશન જેવી બીમારીઓનો ખતરો વધારે છે. સંતૃપ્ત ચરબીથી ભરપૂર આ તેલ હૃદયને નુકસાન પહોંચાડે છે અને સ્થૂળતા વધારે છે. આ તેલનું સેવન કરવાનું ટાળો.
ઓલિવ ઓઇલ બિન આરોગ્યપ્રદ તેલ
લોકો ઓલિવ ઓઇલને હેલ્ધી ઓઇલ માને છે, પરંતુ તમે જાણો છો કે આ તેલને ઊંચા તાપમાન પર રાંધવાથી તેના તંદુરસ્ત ગુણધર્મો નષ્ટ થાય છે. આ તેલમાં બનેલા ભોજનનું સેવન કરવાથી શરીરને ફાયદો થવાના બદલે નુકશાન થાય છે. ઓલિવ ઓઇલનું સેવનથી માત્ર હાર્ટ હેલ્થને જ નુકસાન નથી થતું પરંતુ સ્કિન હેલ્થ પણ ખરાબ થાય છે. આ તેલને રાંધવાથી ત્વચા પર ખીલ અને લાલ ફોલ્લીઓ થઈ શકે છે. આ તેલને કચુંબર સાથે કાચુ સેવન કરશો તો ફાયદો થાય છે.
ક્યું તેલ હૃદય અને સ્વાસ્થ્ય માટે આરોગ્યપ્રદ છે
જો તમે હૃદયને સ્વસ્થ રાખવા માંગતા હોવ અને એકંદરે સ્વાસ્થ્યને સુધારવા માંગતા હોવ, તો તમારે સનફ્લાવર તેલ, સીંગ તેલ, સરસવ તેલ, કનોલા ઓઇલ, રાઇસ બ્રાન તેલનું સેવન કરવું જોઈએ.
આ પણ વાંચો | પાણીની બોટલ બીમારીનું ઘર, જાણો ક્યારે અને કેવી રીતે સાફ કરવી જોઇએ
હૃદય સ્વસ્થ રાખવા દરરોજ કેટલા ચમચી તેલ ખાવું જોઈએ
જો તમે તમારા હૃદયને સ્વસ્થ રાખવા માંગો છો તો દરરોજ માત્ર 2 ચમચી ખાદ્યતેલનું સેવન કરવું જોઇએ. આના કરતા વધારે તેલનું સેવન તમારા હૃદયને નુકસાન પહોંચાડી શકે છે.
Post a Comment